Advertise with Giraya
Giraya NewsGiraya News
NEWS

කොළඹ වරාය ආසන්නයේ තිබූ නෞකාවක ගින්නක්

කොළඹ වරායට වයඹ දෙසින් නාවික සැතපුම් 9.5ක් දුර මුහුදේ නැංගුරම් ලා තිබූ X-PRESS PEARL නැමති භාණ්ඩ ප්‍රවාහන නෞකාවේ 2021 මැයි 20 වන දින දිවා කාලයේ ගින්නක් ඇති වී තිබෙනවා.

තොරතුරකට ලද වහාම නාවික හමුදාව විසින් එම මුහුදු ප්‍රදේශය වෙත ශ්‍රී ලංකා සාගර සහ සිඳුරළ යන ගැඹුරු මුහුදු නිරීක්‍ෂණ නෞකා 02 සහ වේග ප්‍රහාරක යාත්‍රාවක් පිටත් කර හැරීමට කටයුතු කර තිබෙනවා.

මේ වන විට වරාය අධිකාරියට අයත් ටග් යාත්‍රාවක් ද එම මුහුදු ප්‍රදේශයේ නෞකාවේ ඇති වී තිබෙන ගින්න පාලනය සඳහා යොදවා ඇති බව ද වාර්තා වේ.

Giraya News Alerts

සිංගප්පූරු ධජය යටතේ ලියාපදිංචි වී ඇති මෙම නෞකාව 2021 මැයි මස 15 වන දින ඉන්දියාවේ හසීරා වරායේ සිට නයිට්‍රික් ඇසිඩ් (Nitric acid) ටොන් 25ක් සමඟ වෙනත් රසායනික ද්‍රව්‍ය සහ රූපලාවන්‍ය ආලේපන ද්‍රව්‍ය සහිත බහාලුම් 1486ක් රැගෙන යාත්‍රා කර ඇති අතර, නෞකාව 2021 මැයි මස 19 වන දින කොළඹ වරාය ආසන්නයට පැමිණ වරාය වෙත ඇතුළු වීම සඳහා නාවික සැතපුම් 9.5ක් දුර මුහුදේ නැංගුරම් ලා තිබියදී මෙම ගින්න හටගෙන ඇත. නෞකාවේ කාර්ය මණ්ඩලය පිලිපීන, චීන, ඉන්දීයනු සහ රුසියානු ජාතිකයින් 25ක ගෙන් සමන්විත වේ.

2021 මැයි මස 20 වන දින සන්ද්‍යා කාලයේ ශ්‍රී ලංකා වරාය අධිකාරියේ සහ ශ්‍රී ලංකා නාවික හමුදා විශේෂඥයින්ගෙන් සමන්විත කණ්ඩායමක් නෞකාවට ඇතුළු වී එහි තත්වය පරීක්‍ෂා කර තිබෙන අතර නෞකාවේ ප්‍රවාහනය කරමින් තිබූ රසායනික ද්‍රව්‍ය කාන්දු වීමෙන් සිදුවූ යම් ප්‍රතික්‍රියාවක් හේතුවෙන් මෙම ගිනි ගැනීම ඇති වී ඇති බවට සැක කෙරේ.

තවද, හදිසි අවස්තාවකදී ක්‍රියාත්මක වීම සඳහා නාවික හමුදා විශේෂ කණ්ඩායම් සහ වෙරළාරක්‍ෂක දෙපාර්තමේන්තුව සූදානමින් සිටින අතර මේ වන විට ශ්‍රී ලංකා වරාය අධිකාරියේ ටග් යාත්‍රාව ගින්න පාලනය කරමින් සිටියි.

Ads
Click to comment

Leave a Reply

Your email address will not be published. Required fields are marked *

To Top