ශ්‍රී ලංකාවෙන් වාර්තා වී ඇති සමස්ත කොරෝනා ආසාදිතයින් ගණන මේ වන විට 133,527ක් දක්වා ඉහළ ගොස් තිබෙනවා. ඒ, ඊයේ (12) දිනයේ දී වාර්තා වූ ආසාදිතයින් 2429 දෙනා ද ඇතුළුවයි.
එමආසාදිතයින් අතරින් 2386 දෙනෙකු අලුත් අවුරුදු පොකුරට අයත් වේ. අනෙක් ආසාදිතයින් 43 දෙනා විදෙස්ගතව සිට පැමිණි පුද්ගලයින් ද වේ.
ඊයේ වාර්තා වූ ආසාදිතයින්ගෙන් වැඩිම ආසාදිතයින් ප්‍රමාණයක් වාර්තා වී ඇත්තේ කොළඹ දිස්ත්‍රික්කයෙන් වන අතර ඉන් ආසාදිතයින් 146 දෙනෙකු ම වාර්තා වී ඇත්තේ පිළියන්දල ප්‍රදේශයෙන් ය. එමෙන්ම, නාරාහේන්පිට ප්‍රදේශයෙන් ආසාදිතයින් 24 දෙනෙකු ද වාර්තා වී ඇත.
ගම්පහ දිස්ත්‍රික්කයෙන් වාර්තා වූ ආසාදිතයින් අතරින් ආසාදිතයින් 87 දෙනෙකු බියගම ප්‍රදේශයෙන් ද, 39 දෙනෙකු කටුනායක ප්‍රදේශයෙන් ද වාර්තා වී ඇත.
එමෙන්ම, කළුතර දිස්ත්‍රික්කයේ පානදුර දකුණ ප්‍රදේශයෙන් ආසාදිතයින් 88ක් ද, හොරණ ප්‍රදේශයෙන් ආසාදිතයින් 74 දෙනෙකු ද වාර්තා වී ඇත.
දිස්ත්‍රික්කවලට අදාළව වාර්තා වූ ආසාදිතයින් ගණන පහත පරිදි වේ.
- කොළඹ දිස්ත්‍රික්කය – 413
- කළුතර දිස්ත්‍රික්කය – 370
- ගම්පහ දිස්ත්‍රික්කය – 332
- මාතර දිස්ත්‍රික්කය – 140
- කුරුණෑගල දිස්ත්‍රික්කය – 136
- බදුල්ල දිස්ත්‍රික්කය – 132
- ගාල්ල දිස්ත්‍රික්කය – 128
- මහනුවර දිස්ත්‍රික්කය – 123
- පුත්තලම දිස්ත්‍රික්කය – 119
- මාතලේ දිස්ත්‍රික්කය – 107
- රත්නපුර දිස්ත්‍රික්කය – 78
- අම්පාර දිස්ත්‍රික්කය – 71
- ත්‍රිකුණාමලය දිස්ත්‍රික්කය – 41
- හම්බන්තොට දිස්ත්‍රික්කය – 41
- යාපනය දිස්ත්‍රික්කය – 34
- නුවරඑළිය දිස්ත්‍රික්කය – 29
- අනුරාධපුරය දිස්ත්‍රික්කය – 24
- මොණරාගල දිස්ත්‍රික්කය – 16
- මඩකලපුව දිස්ත්‍රික්කය – 15
- පොළොන්නරුව දිස්ත්‍රික්කය – 11
- කෑගල්ල දිස්ත්‍රික්කය – 09
- කිළිනොච්චිය දිස්ත්‍රික්කය – 08
- වවුනියාව දිස්ත්‍රික්කය – 08
- මුලතිව් දිස්ත්‍රික්කය – 01
දැනට මෙරටින් වාර්තා වන සක්‍රීය ආසාදිතයින් ප්‍රමාණය 25,020ක් වේ. වාර්තා වූ ආසාදිතයින්ගෙන් 107,657 දෙනෙකු සුවය ලබා ඇත. එමෙන්ම, තවත් කොවිඩ් – 19 මරණ 18ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කරන ලද අතර ඒ අනුව, සමස්ත කොවිඩ් – 19 මරණ ගණන 868ක් දක්වා ඉහළ ගොස් තිබෙනවා
