Advertise with Giraya
Giraya NewsGiraya News
NEWS

නීති සිසුවාට පහරදීමේ සිද්ධියේ විමර්ශන පෑලියගොඩ පොලීසිය ඉවතට

පෑලියගොඩ පොලිස් ස්ථානය තුළ දී නීති විද්‍යාලයේ සිසුවෙකු වන මිගාර ගුණරත්නට පහර දීමේ සිද්ධියට අදාළ විමර්ශන පෑලියගොඩ පොලීස් ස්ථානයෙන් ඉවත් කර විශේෂ විමර්ශන ඒකකයක් වෙත පවරන ලෙස කොළඹ අතිරේක මහේස්ත්‍රාත් බණ්ඩාර නෙලුම්දෙනිය නියෝග කර තිබෙනවා.

එමෙන්ම, මිගාර ගුණරත්න නමැත්තා විසින් පොලිස් රාජකාරියට බාධා කර ඇති බවට කියන කරුණු සම්බන්ධයෙන් ද මෙහිදී විමර්ශන කටයුතු සිදු කරන බව පොලීසිය අධිකරණයට දැනුම් දී තිබෙනවා.

මෙම පැමිණිල්ල අද කැඳවනු ලැබූ අවස්ථාවේදී පහරකෑමට ලක්වූ බව කියන නීති ශිෂ්‍ය මිගාර ගුණරත්න මහතා වෙනුවෙන් පෙනීසිටි ජනාධිපති නීතිඥ සාලිය පීරිස් මෙන්ම පොලීසිය වෙනුවෙන් පෙනී සිටි ජනාධිපති නීතිඥ ටිරන්ත වලලියද්ද කරුණු දක්වමින් එම සිද්ධියට අදාළ විමර්ශන අපක්ෂපාති හා ස්වාධීන ආකාරයෙන් සිදුකිරීම සඳහා එය පෑලියගොඩ පොලිස් ස්ථානයෙන් ඉවත්කොට වෙනත් විශේෂ විමර්ශන ඒකකයක් වෙත යොමුකරන ලෙස ඉල්ලීය.

Giraya News Alerts

ඉදිරිපත් වූ කරුණු සලකා බැලූ අතිරේක මහෙස්ත්‍රාත්වරයා මෙම විමර්ශනයට අදාළව පැමිණිල්ල යළි ලබන 15 වනදා කැඳවීමට නියම කළේය.

Ads
Click to comment

Leave a Reply

Your email address will not be published. Required fields are marked *

To Top