ශ්‍රී ලංකාව තුළ වාර්තා වූ ලාබාලතම කොවිඩ් මරණය අද (08) වාර්තා වී තිබෙනවා. රිජ්වේ ආර්යා ළමා රෝහලට ඊයේ (07) රාත්‍රියේ ඇතුළත් කර ප්‍රතිකාර ලබමින් සිටි කොළඹ තොටළඟ පදිංචි බිළිඳෙකු මෙලෙස මිය ගොස් ඇති බව වාර්තා වේ.
දින 20ක් වයසැති එම බිළිඳා දැඩි ලෙස නියුමෝනියා තත්ත්වයෙන් පෙළෙමින් සිට ඇති බවට වෛද්‍යවරුන් හඳුනාගෙන ඇති අතර පසුව සිදු කරන ලද පීසීආර් පරීක්ෂණ වාර්තාවෙන් බිළිඳාට කොවිඩ් – 19 වෛරසය ආසාදනය වී ඇති බවට තහවුරු වී ඇත.
