Advertise with Giraya
NEWS

පැය 48ක් තුළ සෞදි අරාබියේ රැඳී සිටින ශ්‍රී ලාංකිකයින් මෙරටට රැගෙන ඒමට නියෝග

කොවිඩ් -19 වෛරස ව්‍යාප්තිය හේතුවෙන් මෙරටට පැමිණීමට නොහැකිව සෞදි අරාබියේ ආරක්ෂිත නිවාසවල රැඳීසිටින පිරිස් ඉදිරි පැය 48ක කාලය තුළ දිවයිනට ගෙන්වා ගැනීමට කටයුතු කරන ලෙස ජනාධිපති ගෝඨාභය රාජපක්ෂ නියෝග කර තිබෙනවා.

කොවිඩ් -19 පැතිරීම වැළැක්විමේ ජාතික ක්‍රියාන්විත මධ්‍යස්ථානයේ පැවති සාකච්ඡාවේ දී මේ සම්බන්ධයෙන් අවධානය යොමුව තිබෙන අතර අදාළ පිරිස් මෙරටට ගෙන්වාගැනීම සඳහා අවම වශයෙන් දිනකට ගුවන් ගමන්වාර දෙකක් ක්‍රියාත්මක කිරීමට ද එහිදී තීරණය වී ඇති බව සඳහන් වේ.

එමෙන්ම මෙම සාකච්ඡාවේ දී ජනාධිපතිවරයාගේ උපදෙස් මත වෛරසයට ගොදුරු වී ඇති කණ්ඩායම් පිළිබඳ වැඩි අවධානයක් යොමුකරමින් එක් දිනක් තුළ ඔවුන් කණ්ඩායම් වශයෙන් පිසීආර් පරීක්ෂණ සඳහා යොමුකිරීමේ ක්‍රියාවලියක් ද සැළසුම්කර තිබේ.

Giraya News Alerts

මහජනතාව වෙනුවෙන් සලසන පහසුකම් අතර රුපියල් 5000 දීමනාව, රෝගීන්ට අවශ්‍ය ඖෂධ ලබාදීම, අත්‍යවශ්‍ය ආහාර ද්‍රව්‍ය සහිත රුපියල් දස දහසක වටිනාකමකින් යුත් ආහාරපාන අඩංගු පාර්සල් බෙදාදීම පිළිබඳව ද මෙහිදී දීර්ඝ වශයෙන් සාකච්ඡා වී ඇති බව වාර්තා වේ.

පවතින තත්ත්වය හමුවේ හෝටල් නිරෝධායන මධ්‍යස්ථාන ක්‍රියාවලිය කඩිනමින් අවසන් කර විදෙස් රටවල සිට පැමිණෙන පාර්ශ්ව ඒ සඳහා යොමුකිරීමට ද මෙහිදී සාකච්ඡා වී ඇති බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි.

Ads
Click to comment

Leave a Reply

Your email address will not be published. Required fields are marked *

To Top