Advertise with Giraya
Giraya NewsGiraya News
NEWS

මල්ලීගේ මරණයෙන් කෙළවර වූ සහෝදර ආරවුල

මහියංගණය හද්දත්තාව ගම්මානයේදී 31 හැවිරිදි මල්ලීට කැත්තකින් පහරදී ඝාතනය කළැයි සැකපිට 36 හැවිරිදි අයියා අත්අඩංගුවට ගත් බව මහියංගණය පොලිසිය පවසයි. මරණයට පත්ව ඇත්තේ වත්තේගෙදර සජිත ලක්මාල් නමැත්ති වැලි ව්‍යාපාරිකයෙකි.

ඒ අවස්ථාවේ, මල්ලිගේ බිරිඳටද කැත්තෙන් පහරදී ඇති අතර ඇය අතක කැපුම් තුවාල සහිතව මහියංගණය මූලික රෝහලට ඇතුලත් කර තිබේ.

මොවුන් දෙදනාගේ නිවෙස් එකම වැටකින් වෙන්වන සේ පිහිටා ඇති අතර මල්ලී බිරිද හා දරු දෙදනා සමග හසලක නතරවී වැලි ව්‍යාපාරයක් පවත්වාගෙන යන බවත් නිවාඩු දිනයන්හි බිරිද හා දරු දෙදනා සමග හද්දත්තාවේ නිවසට පැමිණෙන බවත් විමර්ශන වලදී අනාවරණය වූ බව පොලිසිය සඳහන් කළේය .

Giraya News Alerts

ඊයේ (30) අයියා රැකියාවට ගොස් නිවසට එන විට එම නිවස ආසන්නයේදි මල්ලී , අයියාට බැන වැදී ඇති බවත් එවිට අයියා නිවසට දිවගොස් කැත්තක් රැගෙන විත් මල්ලිට හා මල්ලීගේ බිරිඳට කැත්තෙන් පහරදී ඇති බවත් විමර්ශන වලදී අනාවරණය වූ බව පොලිසිය සඳහන් කළේය .

දෙදෙනා අතර කලකසිටි පැවති පුද්ගලික ආරවුලක් පිළිබදව බහින් බස් වීමකින් පසු මෙම ඝාතනය සිදුවී ඇති බවද අනාවරණය වී තිබේ .මහියංගණය පොලිසිය වැඩිදුර පරීක්ෂණ පවත්වයි.

-Lankadeepa-

Ads
Click to comment

Leave a Reply

Your email address will not be published. Required fields are marked *

To Top