ත්‍රිකුණාමලය මධ්‍යම මාළු වෙළඳ සංකීර්ණය අද (24) සිට වසා දැමීමට එම වෙළඳ සංකීර්ණයේ ව්‍යාපාරිකයින් කටයුතු කර තිබෙනවා. ඒ, අදාළ වෙළඳ සංකීර්ණයේ සේවය කළ සේවකයින් 6 දෙනෙකුට කොවිඩ් – 19 වෛරසය ආසාදිත බවට තහවුරු වීමත් සමඟයි.
පසුගියදා (22) එම මාළු වෙළද සංකීර්ණයේ සේවය කළ 39 දෙනෙකුගෙන් පීසීආර් පරීක්ෂණ සඳහා සාම්පල ලබා ගෙන ඇති අතර ඒවායේ ප්‍රතිඵල අනුව මෙලෙස සේවකයින් 6 දෙනෙකුට වෛරසය ආසාදනය වී ඇති බවට තහවුරු වී තිබෙනවා.
හදුනාගත් ආසාදිතයන් ත්‍රිකුණාමලය දිස්ත්‍රික්කයට අයත් පුල්මුඩේ හා ත්‍රිකුණාමල නගරය අවට, සුමේධගම ප්‍රදේශයේ පදිංචිකරුවන් වේ.
