මිනුවන්ගොඩ බ්‍රැන්ඩික්ස් ආයතනයේ කොරෝනා පොකුරට අදාළව අද (17) පස්වරු 04.05 වන විට තවත් පුද්ගලයින් 73 දෙනෙකුට කොරෝනා වෛරසය ආසාදනය වී ඇති බව රජයේ ප්‍රවෘත්ති දෙපාර්තුමේන්තුව වාර්තා කරයි.
දැනට ශ්‍රී ලංකාවෙන් වාර්තා වූ සමස්ත කොරෝනා ආසාදිතයින් ගණන මේ වන විට 5427ක් දක්වා ඉහළ ගොස් තිබෙනවා. ඒ අනුව, මිනුවන්ගොඩ බ්‍රැන්ඩික්ස් ආයතනයට අදාළ කොරෝනා පොකුරෙන් මෙතෙක් වාර්තා වී ඇති ආසාදිතයින් ගණන 1972 දක්වා ඉහළ යනු ඇති.
ඒ අනුව, බ්‍රැන්ඩික්ස් පොකුරට අදාළව පසුගිය දින කිහිපය තුළ වාර්තා වූ ආසාදිතයින් ගණන පහත පරිදි වේ.
ඔක්තෝම්බර් 03 – දිවුලපිටියේ පදිංචි හඳුනාගත් පළමු ආසාදිත කාන්තාවඔක්තෝම්බර් 04 – දිවුලපිටියේ කාන්තාවගේ දියණියඔක්තෝම්බර් 05 – 101ඔක්තෝම්බර් 06 – 729ඔක්තෝම්බර් 07 –202ඔක්තෝම්බර් 08 - 19ඔක්තෝම්බර් 09 - 30ඔක්තෝම්බර් 10 - 103ඔක්තෝම්බර් 11 - 121ඔක්තෝම්බර් 12 - 90ඔක්තෝම්බර් 13 - 194ඔක්තෝම්බර් 14 - 130ඔක්තෝම්බර් 15 - 49ඔක්තෝම්බර් 16 - (පස්වරු 2.40 වන විට වාර්තා වූ නිරෝධායන මධ්‍යස්ථානවල සිටින 03 සහ ආශ්‍රිතයින් 58යි, පස්වරු 7.00ට වාර්තා කළ නිරෝධායන මධ්‍යස්ථානවල සිටින 35 සහ ආශ්‍රිතයින් 14යි)- ඔක්තෝම්බර් 17 – 73 (පස්වරු 4.00 වන විට වාර්තා වූ නිරෝධායන මධ්‍යස්ථානවල සිටින 02 සහ ආශ්‍රිතයින් 71යි)
දැනට වාර්තා වන සක්‍රීය ආසාදිතයින් ගණන 2019ක් දක්වා ඉහළ ගොස් තිබෙනවා. සුවය ලබා ඇති ගණන 3395ක් වේ. ජීවිතක්ෂයට පත් වූ ගණන 13කි.
