මල්ලාවි පොලිස් වසමේ පලෛමුරුකණ්ඩිය ප්‍රදේශයේ දී සිදු කරන ලද වැටලීමක දී බලපත්‍ර නොමැතිව මෙරට නිෂ්පාදනය කරන ලද ගිනි අවි දෙකක් ළඟ තබා ගෙන සිටි පුද්ගලයෙකු පොලිස් අත්අඩංගුවට පත් වී තිබෙනවා.
මාන්කුලම් පොලිස් විශේෂ කාර්ය බලකා කඳවුරේ නිලධාරීන්ට ලද තොරතුරක් මත මල්ලාවි පොලිස් ස්ථානයේ නිලධාරීන්ගේ ද සහය ඇතිව ඊයේ (10) දිනයේ දී මෙම වැටලිම සිදු කර ඇත. අත්අඩංගුවට පත් වූ සැකකරු පලෛමුරුකණ්ඩිය ප්‍රදේශයේ පදිංචි 38 හැවිරිදි පුද්ගලයෙකි.
මල්ලාවි පොලීසිය මේ සම්බන්ධයෙන් වැඩිදුර විමර්ශන කටයුතු සිදු කරන අතර අද (11) දින සැකකරු මුලතිව් මහේස්ත්‍රාත් අධිකරණය වෙත ඉදිරිපත් කිරීමට නියමිතය.
