මිනුවන්ගොඩ බ්‍රැන්ඩික්ස් ආයතනයේ කොරෝනා පොකුරට අදාළව තවත් 190 දෙනෙකුට කොරෝනා වෛරසය ආසාදනය වී ඇති බව යුද හමුදාපති ලුතිනන් ජෙනරාල් ශවේන්ද්‍ර සිල්වා පවසයි. ඒ අනුව, දැනට ශ්‍රී ලංකාවෙන් වාර්තා වූ සමස්ත කොරෝනා ආසාදිතයින් ගණන මේ වන විට 4442දක්වා ඉහළ ගොස් තිබෙනවා
ඒ අනුව, මිනුවන්ගොඩ බ්‍රැන්ඩික්ස් ආයතනයට අදාළ කොරෝනා පොකුරෙන් මෙතෙක් වාර්තා වී ඇති ආසාදිතයින් ගණන 1022 දක්වා ඉහළ යනු ඇති. ඒ අනුව,
- ඔක්තෝම්බර් 03 – දිවුලපිටියේ පදිංචි හඳුනාගත් පළමු ආසාදිත කාන්තාව
- ඔක්තෝම්බර් 04 – දිවුලපිටියේ කාන්තාවගේ දියණිය
- ඔක්තෝම්බර් 05 – ආසාදිතයින් 101 (පෙරවරුවේ වාර්තා වූ කාර්ය මණ්ඩල සාමාජිකයින් 69, මොනරාගල මැදගම 01, යාපනය වේලනෙයි 01, කුරුණෑගල කටුපොත 02, පස්වරු 08ට නිවේනදනය කළ මිනුවන්ගොඩ 05, පස්වරු 9ට වාර්තා කළ 10 දෙනා අතර මිනුවන්ගොඩ 06, කටාන 02, සීදූව 01, දිවුලපිටිය 01, පස්වරු 9.30ට වාර්තා කළ 13 දෙනා අතර මිනුවන්ගොඩ 07, මීරිගම 03, ජාඇළ 01, දිවුලපිටිය 01, මහර 01)
- ඔක්තෝම්බර් 06 – 729 (පෙරවරු 9.00ට වාර්තා වූ 220, පස්වරු 1.00ට වාර්තා කළ 246, පස්වරු 6.00ට වාර්තා කළ 139, පස්වරු 9.40ට වාර්තා කළ 124 )
- ඔක්තෝම්බර් 07 – 190
දැනට වාර්තා වන සක්‍රීය ආසාදිතයින් ගණන 1155ක් දක්වා ඉහළ ගොස් තිබෙනවා. සුවය ලබා ඇති ගණන 3274ක් වේ. ජීවිතක්ෂයට පත් වූ ගණන 13කි.
