දිවුලපිටියේ කොරෝනා ආසාදිත වූ ඇඟළුම් කම්හලේ සේවිකාවගේ ආශ්‍රිතයෙකු ලෙස සැලකෙන එම ඇඟළුම් කම්හලේම සේවය කරන තවත් කාන්තාවක් මොණරාගල ප්‍රදේශයට පැමිණ ඇති බවට ප්‍රදේශයේ සෞඛ්‍ය බලධාරීන් සඳහන් කර සිටියි.
මෑත දිනෙක නිවාඩු ලබා පැමිණි එම සේවිකාව මොණරාගල ප්‍රදේශයට පැමිණ ඇති අතර ඇය මොණරාගල නගරයේ ස්ථාන කිහිපයකට ගොස් ඇති බව ද වාර්තා වේ. සෞඛ්‍ය බලධාරීන් සඳහන් කරන අන්දමට ඇය මොණරාගල බස්නැවතුම්පොළ, ඉරිදා පොළ, කච්චේරි හන්දිය සහ රජයේ බැංකුවකට ගොස් ඇති බවට හෙළිවී ඇත.
මෙම සේවිකාවගේ PCR පරීක්ෂණ සඳහා වන ජෛව සාම්පල් පටල ලබා ගෙන තිබෙන බවත් එහි ප්‍රථිපල අද (05) සවස වන විට ලැබීමට නියමිත බවත් ප්‍රදේශයේ සෞඛ්‍ය බලධාරීන් සඳහන් කළා.
මේ සම්බන්ධයෙන් ශබ්ද වාහිනී යන්ත්‍ර මගින් ප්‍රදේශයේ ජනතාවට දැනුවත් කිරීමට කටයුතු කළ බව ද සෞඛ්‍ය නිලධාරීන් පැවසුවා.
