Advertise with Giraya
Giraya NewsGiraya News
NEWS

සක්‍රීය ආසාදිතයින් ගණන 237 දක්වා ඉහළට

ශ්‍රී ලංකාවෙන් වාර්තා වූ සමස්ත කොවිඩ් – 19 හෙවත් නව කොරෝනා වෛරසය ආසාදිත වූ පුද්ගලයින් ගණන අද (15) දින පස්වරු 3.45 වන විට 3266ක් ලෙස සටහන් වන බව වසංගත රෝග විද්‍යා අංශය වාර්තා කරයි.

එමෙන්ම, අද (15) දිනයේ මෙතෙක් ආසාදිතයින් සිව්දෙනෙකු වාර්තා වී ඇති අතර ඊයේ (14) නව ආසාදිතයින් 28 දෙනෙකු වාර්තා විය.

එම වාර්තා වූ ආසාදිතයින්ගෙන් සිව් දෙනෙකු බංග්ලාදේශයේ සිට ද, එක් අයෙක් වියට්නාමයේ සිට ද, එක් අයෙක් කටාර් සිට ද, එක් අයෙක් කුවේට් සිට ද, 11 දෙනෙකු එක්සත් අරාබි එමීර් රාජ්‍යයේ සිට ද මෙරටට පැමිණ නිරෝධායනය වෙමින් සිටි අය වේ. අනෙක් ආසාදිතයින්ගෙන් සිව් දෙනෙක් බහරේන් සිට පැමිණි නාවිකයින් ද, තවත් පස්දෙනෙකු ඉන්දියානු ජාතික නාවිකයින් ද වේ. අනෙක් පුද්ගලයා බහරේන් සිට පැමිණ හලාවත රෝහලේ දී මිය ගිය පුද්ගලයා ද වේ.

Giraya News Alerts

එසේම, අද (15) දිනය තුළ දී තවත් ආසාදිතයින් 11 දෙනෙකු පූර්ණ සුවය ලබා රෝහල්වලින් පිටව ගොස් තිබෙන බව වසංගත රෝග විද්‍යා අංශය වාර්තා කළා. ඒ අනුව, මේ වන විට වාර්තා වූ ආසාදිතයින්ගෙන් 3016 දෙනෙකු සුවය ලබා ඇත.

සැප්තැම්බර් මාසයේ දී දෛනිකව වාර්තා වූ ආසාදිතයින් ගණන හා සුවය ලැබූ ගණන පහතින් දැක්වේ.

ඒ අනුව, අද (15) පෙරවරු 10.00ට වාර්තා වී ඇති රෝගීන් 3263 දෙනා අතරින්,

  • වෙනත් රටවල්වලින් පැමිණි (විදේශික) – 53
  • වෙනත් රටවල්වලින් පැමිණ (ලාංකික) – 1297
  • නාවික හමුදා සාමාජිකයින් සහ ආශ්‍රිතයින් – 950
  • කන්දකාඩු පුනරුත්ථාපන මධ්‍යස්ථාන සාමාජිකයින් සහ ආශ්‍රිතයින් – 650
  • වෙනත් – 313

ඒ අනුව, මේ වන විට මෙරටින් වාර්තා වූ සමස්ත රෝගීන් 3265ක ප්‍රමාණයට සාපේක්ෂව සුවය ලැබූ ප්‍රමාණය 92.3%ක් ලෙස වාර්තා වේ. සක්‍රීය ආසාදිතයින් ප්‍රමාණය පසුගිය අගෝස්තු 04 වන දින 4.4% ලෙස සටහන් විය. අද (15) දිනයේ දී එය 7.2%ක් දක්වා වැඩි වී තිබේ. ජීවිතක්ෂයට පත් වූ ප්‍රමාණය 0.40%ක් ලෙස ද සටහන් වේ.

මේ දක්වා ශ්‍රී ලංකාවේ සිදු කර ඇති පී.සී.ආර්. පරීක්ෂණ ප්‍රමාණය 257,477ක් වේ. ශ්‍රී ලංකාවේ එක් දිනකදි සිදු කළ වැඩිම පී.සී.ආර්. පරීක්ෂණ ප්‍රමාණය වන 3518ක් වූ ප්‍රමාණය අගෝස්තු 18 වන දිනය තුළ දී සිදු කර ඇත. ඊයේ (14) දිනයේ දි සිදු කර ඇති පී.සී.ආර්. පරීක්ෂණ ප්‍රමාණය 1434ක් වේ.

වසංගත රෝග විද්‍යා අංශය වාර්තා කරන අන්දමට අද (15) දින පෙරවරු 10.00 වන විට එම රෝහල්ගතව ප්‍රතිකාර ගනිමින් සිටි රෝගින් 234 දෙනාගෙන්,

  • ජාතික බෝවන රෝග විද්‍යායතනයේ 81ක් ද,
  • වැලිකන්ද මූලික රෝහලේ 93ක් ද,
  • ඉරණවිල රෝහලේ 42ක් ද,
  • මුල්ලේරියාව රෝහලේ 03ක් ද,
  • හම්බන්තොට රෝහලේ 15ක් ද, වශයෙන් රෝහල්ගතව ප්‍රතිකාර ලබමින් සිටියි.

එමෙන්ම, පුද්ගලයින්‍ 70ක් සැක සහිතව රෝහල්ගතව වෛද්‍ය අධික්ෂණය යටතේ පසුවේ. ජීවිතක්ෂයට පත් වූ ගණන 13 කි. අවසන් වරට කොරෝනා මරණයක් වාර්තා වූයේ, දින 21ට පසු සැප්තැම්බර් 14 වන දිනයේ දී ය.

Ads
Click to comment

Leave a Reply

Your email address will not be published. Required fields are marked *

To Top