සුප්‍රකට විද්‍යුත් තැපැල් සේවාවක් වන Gmail යෙදවුමේ තාක්ෂණික දෝෂයක් පවතින බවට දහස් සංඛ්‍යාත පරිශීලකයින්ගෙන් පැමිණිලි ලැබෙමින් පවතින බව විදෙස් මාධ්‍ය වාර්තා කරයි.
පරිශීලිකයින් සඳහන් කරන්නේ Gmail සේවාව හරහා විද්‍යුත් ඊමේල් යොමු කිරිමටත්, ලිපි ගොනු ඇතුළත් කිරීමටත් නොහැකි වන ආකාරයේ තාක්ෂණික ගැටළුවකට තමන් මුහුණ පාමින් සිටින බවයි. මේ හේතුවෙන් googleDrive පරිශීලකයින්ට ද තම සේවාවන් ලබා ගැනීමට නොහැකි වී ඇති බව වාර්තා වේ.
එමෙන්ම, මේ සම්බන්ධයෙන් Gmail සේවයද සටහනක් තබමින් තහවුරු කර සිටින්නේ එවැනි තාක්ෂණික ගැටළුවක් සම්බන්ධයෙන් වන පැමිණිලි තමන් වෙත ලැබෙමින් පවතින බවයි. තවද, සිදු ව ඇති දෝෂය කුමක්ද යන්න පිළිබඳව තවමත් විමර්ශනයන් සිදු කරන බවත් වැඩිදුර තොරතුරු ඉදිරිියේදී දැනුවත් කරන බවත් ඔවුන් එහිදී සඳහන් කර තිබෙ.
ඉන්දියාව, ජපානය, ඕස්ට්‍රේලියාව මෙන්ම ලෝකය පුරා තවත් රටවල් ගණනාවකින් gmail සේවාව අක්‍රීය වී ඇති බවට මෙලෙස පැමිණිලි ලැබෙන බව වාර්තා වේ.
