Advertise with Giraya
NEWS

නාකොටික් නිලධාරීන් 13 දෙනාගේ ඇප ඉල්ලීම ප්‍රතික්ෂේපයි

විවිධ වැටලීම්වල දී පොලිස් මත්ද්‍රව්‍යනාශක කාර්යාංශය මඟින් අත්අඩංගුවට ගන්නා ලද හෙරොයින් තොග ජාවාරම් කිරීමේ සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටින එම කාර්යාංශයේ නිලධාරීන් දහතුන් දෙනා ලබන 18 වන දා තෙක් තවදුරටත් රිමාන්ඩ් භාරයේ තැබීමට කොළඹ ප්‍රධාන මහෙස්ත්‍රාත් ලංකා ජයරත්න මෙනවිය අද (04) නියෝග කළේය.

මෙහිදී මහෙස්ත්‍රාත්වරිය විසින් සැකකරුවන් වෙනුවෙන් ඉදිරිපත් කළ ඇප ඉල්ලීමක් ද ප්‍රතික්ෂේප කර තිබේ.

එමෙන්ම, මෙම පැමිණිල්ල අද (04) කැඳවූ අවස්ථාවේ දී බන්ධනාගාර ගතකර සිටින සැකකරුවන් 13 දෙනා අධිකරණයට ඉදිරිපත් කර නොතිබුණි. බන්ධනාගාර අධිකාරිවරයා අධිකරණයට වාර්තාවක් එවමින් මෙම සැකකරුවන් අඟුණුකොළපැලැස්ස බන්ධනාගාරයේ රඳවා සිටින බවත් කොවිඩ් වසංගත තත්ත්වය හේතුවෙන් ඔවුන් අද (04) දින අධිකරණයට ඉදිරිපත් නොකරන බවත් දැනුම් දී තිබුණි.

අපරාධ පරීක්ෂණ දෙපාර්තමේන්තුව වෙනුවෙන් පෙනී සිටි නියෝජ්‍ය සොලිසිටර් ජෙනරාල් දිලීප පිරිස් විමර්ශනවල ප්‍රගතිය අධිකරණයට වාර්තා කළ අතර මෙම හෙරොයින් ජාවාරම සමඟ මෙම සැකකරුවන් සම්බන්ධ වී ඇති ආකාරය දැක්වෙන සාක්ෂි සම්පිණ්ඩන ඇතුළත් වාර්තාවක් අද (04) දින අධිකරණයට ඉදිරිපත් කරන බවත් දැනුම් දුන්නේය.

ඉදිරිපත් වූ කරුණු සලකා බැලූ මහෙස්ත්‍රාත්වරිය සැකකරුවන් ලබන 18 වන දා දක්වා රිමාන්ඩ් භාරයේ තැබීමට නියම කර තිබේ.

Ads
Click to comment

Leave a Reply

Your email address will not be published. Required fields are marked *

To Top