Advertise with Giraya
NEWS

තවත් 75කට සුවයි,සුවය ලැබූ සමස්තය 2514 දක්වා ඉහළට

ශ්‍රී ලංකාවෙන් වාර්තා වූ සමස්ත කොවිඩ් – 19 හෙවත් නව කොරෝනා වෛරසය ආසාදිත වූ පුද්ගලයින් ගණන අද (02) දින පෙරවරු 10.00 වන විට 2815ක් ලෙස සටහන් වන බව වසංගත රෝග විද්‍යා අංශය වාර්තා කරයි. ගත වූ පැය 24 තුළ දී කිසිදු ආසාදිතයෙකු වාර්තා වී නොමැත.

ඒ අනුව, දැනට වාර්තා වී ඇති රෝගීන් 2815 දෙනා අතරින්,

  • වෙනත් රටවල්වලින් පැමිණි (විදේශික) – 32
  • වෙනත් රටවල්වලින් පැමිණ (ලාංකික) – 919
  • නාවික හමුදා සාමාජිකයින් සහ ආශ්‍රිතයින් – 950
  • කන්දකාඩු පුනරුත්ථාපන මධ්‍යස්ථාන සාමාජිකයින් සහ ආශ්‍රිතයින් – 601
  • වෙනත් – 313

එමෙන්ම, අද (02) පෙරවරු 10.00 වන විට තවත් ආසාදිතයින් 75 දෙනෙකු පූර්ණ සුවය ලබා රෝහලවලින් පිටව ගොස් ඇති බව වසංගත රෝග විද්‍යා අංශය වාර්තා කරයි. ඒ අනුව, මෙරට වාර්තා වූ ආසාදිතයින්ගනේ 2514 දෙනෙකු සුවය ලබා ඇත. දැනට වාර්තා වන සක්‍රීය ආසාදිතයින් ගණන 290ක් වේ.

ඒ අනුව, මේ වන විට මෙරටින් වාර්තා වූ සමස්ත රෝගීන් 2815ක ප්‍රමාණයට සාපේක්ෂව සුවය ලැබූ ප්‍රමාණය 89.31%ක් ලෙස වාර්තා වේ. සක්‍රීය ආසාදිතයින් ප්‍රමාණය පසුගිය ජුලි 10 වන දින 5% ලෙස සටහන් විය. අද (01) දිනයේ දී එය 10.30%ක් ලෙස සටහන් වේ. ජීවිතක්ෂයට පත් වූ ප්‍රමාණය 0.39%ක් ලෙස ද සටහන් වේ.

මේ දක්වා ශ්‍රී ලංකාවේ සිදු කර ඇති පී.සී.ආර්. පරීක්ෂණ ප්‍රමාණය 160,226ක් වේ. ශ්‍රී ලංකාවේ එක් දිනකදි සිදු කළ වැඩිම පී.සී.ආර්. පරීක්ෂණ ප්‍රමාණය වන 2723ක් වූ ප්‍රමාණය ජුලි 17 දිනය තුළ දී සිදු කර ඇත. ජුලි මාසයේ දී සිදු කරන ලද සමස්ත පී.සී.ආර්. පරීක්ෂණ ප්‍රමාණය 52,526ක් වේ.

ජුලි මාසය තුළ දී පමණක් නව ආසාදිතයින් 768 දෙනෙකු වාර්තා වී ඇති අතර ආසාදිතයින් 680 දෙනෙකු සුවය ලබා රෝහල්වලින් පිටව ගොස් ඇත.

වසංගත රෝග විද්‍යා අංශය වාර්තා කරන අන්දමට අද (02) දින පෙරවරු 10.00 වන විට එම රෝහල්ගතව ප්‍රතිකාර ගනිමින් සිටි රෝගින් 290 දෙනාගෙන්,

  • ජාතික බෝවන රෝග විද්‍යායතනයේ 28ක් ද,
  • වැලිකන්ද මූලික රෝහලේ 46ක් ද,
  • මුල්ලේරියාව රෝහලේ 05 ක් ද,
  • ඉරණවිල රෝහලේ 11ක් ද,
  • කාතාන්කුඩි රෝහලේ 10ක් ද,
  • මිනුවන්ගොඩ මූලික රෝහලේ 36ක් ද,
  • යුද හමුදා රෝහල (පනාගොඩ) 13 ක් ද,
  • කන්දකාඩු ප්‍රතිකාර මධ්‍යස්ථානයේ 141 වශයෙන් රෝහල්ගතව ප්‍රතිකාර ලබමින් සිටියි.

එමෙන්ම, පුද්ගලයින්‍ 45 ක් සැක සහිතව රෝහල්ගතව වෛද්‍ය අධික්ෂණය යටතේ පසුවේ. ජීවිතක්ෂයට පත් වූ රෝගීන් ගණන 11කි. අවසන් වරට කොරෝනා ආසාදිත මරණය වාර්තා වූයේ ජුනි මාසයේ 01 වැනිදා වේ

Ads
Click to comment

Leave a Reply

Your email address will not be published. Required fields are marked *

To Top