Advertise with Giraya
Giraya NewsGiraya News
NEWS

‘ඉදිරි දින දෙක තුළ දී මහමැතිවරණයට අදාළ සෞඛ්‍ය මාර්ගෝපදේශන ගැසට් කරනවා’ – පවිත්‍රා වන්නිආරච්චි

සෞඛ්‍ය රෙගුලාසි අනුගමනය නොකරන්නේ නම් මැතිවරණය පැවැත්වීම අපහසු බව මැතිවරණ කොමිෂන් සභාවේ සභාපති මහින්ද දේශප්‍රිය සඳහන් කළේය. ඔහු ඒ බව සඳහන් කළේ, ඊයේ (15) පැවති මාධ්‍ය හමුවකට එක්වෙමින් ය.

දැනට පනවා ඇති මුහුණු ආවරණ පැළඳීම, මීටරයක දුර පවත්වා ගැනීම හා නිරන්තරයෙන් අත් සේදීම වැනි කරුණු ගැන ජනතාව සැලකිලිමත් නොවන්නේ නම්, වසංගතය රට ව්‍යාප්ත වීමට ඉඩ ඇති බැවින් මැතිවරණ කටයුතු සඳහා ද එය බරපතල ලෙස බාධාවක් විය හැකි බව ද ඔහු සඳහන් කළේය.

ඒ නිසාවෙන් සෞඛ්‍ය මාර්ගෝපදේශ සහිත ගැසට් පත්‍රය නොමැති වීම තම කටයුතු සඳහා විශාල බාධාවක් බව ද මැතිවරණ කොමිසමේ සභාපතිවරයා මෙහිදී පැවසීය.

Giraya News Alerts

ගැසට් පත්‍රය පළ නොකරන්නේ නම් ඡන්ද විමසීම සිදුකිරීමට අපහසු බව කොමිෂන් සභාව විසින් මේ වන විට සාකච්ඡා කර ඇතැයි ද මහින්ද දේශප්‍රිය මහතා මෙහිදී කියා සිටියේය.

ඒ අනුව, ඉදිරි දින දෙක තුළ දී මහ මැතිවරණයේ දී අනුගමනය කළ යුතු සෞඛ්‍ය මාර්ගෝපදේශ ගැසට් කරන බව සෞඛ්‍ය ඇමතිනි පවිත්‍රා වන්නිආරච්චි මහත්මිය සඳහන් කරයි.

Ads
Click to comment

Leave a Reply

Your email address will not be published.

To Top