කොවිඩ් නයින්ටීන් වසංගත තත්ත්වය හමුවේ ආසන ගණනට පමණක් බස්රථවල මගීන් රැගෙන යාම හේතුවෙන් ආදායම් ප්‍රමාණවත් නොවන බවට බස් සංගම් විසින් අමාත්‍යවරයා වෙත දැනුම් දී තිබුණි.
අර්ධ සුඛෝපභෝගී බස්රථ සේවාවේ මෙන් සාමාන්‍ය අය කිරීම්වලට වඩා සියයට එකයි දශම 5 ක් දක්වා පුද්ගලික බස් ගාස්තු වැඩි කිරීමට කටයුතු කරන ලෙස ඔවුන් ඉල්ලීමක් කර ඇත.
කෙසේවෙතත්, පෞද්ගලික බස් රථ ගාස්තු කිසිදු හේතුවක් මත ඉහළ දැමීමට පියවර නොගන්නා බව මගී ප්‍රවාහන කළමනාකරණ අමාත්‍ය මහින්ද අමරවීර මහතා පවසයි.
එවැනි ආකාරවෙන් පෞද්ගලික බස් රථ ගාස්තු ඉහළ දැමීමට කටයුතු නොකරන අතර දැනට ලැබෙන ආදායම ප්‍රමාණවත් නොවන්නේ නම් ඊට විකල්ප ක්‍රියාත්මක කිරීමට කටයුතු කරන බව මහින්ද අමරවීර අමාත්‍යවරයා සඳහන් කර තිබේ.
