කොරෝනා වෛරසය ආසාදිත තවත් නාවික හමුදා සාමාජිකයින් 14 දෙනෙකු පූර්ණ සුවය ලබා ඇති බව නාවික හමුදාව සඳහන් කරයි. ඒ අනුව, අද (11) දිනය වන විට සුවය ලැබූ සමස්ත නාවිකයින් ගණන 622ක් වේ.
මෙරටින් වාර්තා වූ සමස්ත රෝගීන් අතරින් 874 දෙනෙක් නාවික හමුදා සාමාජිකයින් වේ. දැනට රෝහල්ගතව සිටින නාවික හමුදා සාමාජිකයින් ගණන 252ක් වේ.
රෝහල් වෙතින් පිටත්ව ගියද මෙම සියලුම නාවික පුද්ගලයින් සෞඛ්‍ය උපදෙස් මත තවදුරටත් දින 14ක නිරෝධායන ක්‍රියාවලියක් සඳහා යොමු කිරීමට නාවික හමුදාව කටයුතු කර ඇත.
