Advertise with Giraya
Giraya NewsGiraya News
TECHNOLOGY

සෞඛ්‍ය ක්ෂේත්‍රයට අදාළ නව නිර්මාණකරුවන් දිරි ගැන්වීමේ විශේෂ වැඩපිළිවෙලක්

සෞඛ්‍යයට අදාළ නව නිර්මාණ බිහිකිරීම සඳහා තාක්ෂණික සම්බන්ධීකරණය හා මුල්‍ය ප්‍රතිපාදන ලබාදීමට සෞඛ්‍ය අමාත්‍යාංශයේ ප්‍රාථමික සෞඛ්‍ය සේවා සවිබල ගැන්වීමේ ව්‍යාපෘතිය යටතේ විශේෂ වැඩපිලිවෙලක් සකස් කර ඇති බව එම ව්‍යාපෘතියේ අධ්‍යක්ෂ වෛද්‍ය ජයසුන්දර බණ්ඩාර මහතා පවසයි.

ඔහු සඳහන් කරන්නේ,කොවිඩ් -19 තත්වය මැද සියගණනක් නව නිර්මාණ බිහිවීම දක්නට ලැබුණු බවත් එබඳු නව නිර්මාණකරුවන් දිරිගන්වා ස්වදේශීය නිෂ්පාදන මෙරට සෞඛ්‍ය සේවාවට වැඩි වැඩියෙන් ලබා දීම සඳහා මෙම වැඩපිළිවෙල සෞඛ්‍ය අමාත්‍යාංශයේ උපදෙස් පරිදි ආරම්භ කර ඇති බවයි.

මෙහිදී නව නිර්මාණ යටතේ උපකරණයක්,තාක්ෂණයක්,සන්නිවේදන මෙවලමක් හෝ මෙහි සඳහන් නොවන ඕනෑම අදහසක් සලකා බලනු ලබන අතර නිර්මාණයේ අවසන් ප්‍රතිඵලය ලෙස ප්‍රාථමික සෞඛ්‍ය සේවාව විධිමත් කිරීමට එනම් ගුණාත්මක භාවය දියුණු කිරීමට කිරීමට හෝ සවිබල ගැන්වීමට දායක විය යුතුය. එබඳු අදහස් පිළිබඳව ප්‍රාථමික සෞඛ්‍ය සේවා සවිබල ගැන්වීමේ ව්‍යාපෘතියට දන්වන්නේ නම් එම අදහස වැඩිදියුණු කර ප්‍රායෝගිකව ක්‍රියාත්මක වන අවස්ථාව දක්වා ගෙන ඒමටත් අවශ්‍ය මුල්‍ය ප්‍රතිපාදන ලබාදීමටත් සූදානම් බවත් වෛද්‍ය ජයසුන්දර බණ්ඩාර මහතා පවසයි.

Giraya News Alerts

මෙසේ සෞඛ්‍ය ක්ෂේත්‍රයට අදාළ නව නිර්මාණ බිහි කිරීමට කැමති පුද්ගලයින් සෞඛ්‍ය අමාත්‍යාංශයේ වෙබ් අඩවිය වන www.health.gov.lk වෙත හෝ ව්‍යාපෘතියේ වෙබ් අඩවිය වන www.pssp.health.gov.lk (එහි innovation තීරය click කරන්න) ප්‍රවේශ වී ව්‍යාපෘතියට එක් වීමට අභිලාෂය පල කිරීමේ ලිපිය අයදුම් පත්‍රය සමග බාගත (download) කරගත යුතුය. එසේත් නොමැතිනම් psspmoh.lk@gmail.com වෙත පණිවුඩයක් යොමු කිරීමෙන් විස්තර හා අයදුම්පත් ලබාගත හැකිවෙයි. අයදුම්පත සම්පූර්ණ ඒ සමග ඇති විස්තර අනුව සෞඛ්‍ය අමාත්‍යාංශයේ ප්‍රාථමික සෞඛ්‍ය සේවා සවිබල ගැන්වීමේ ව්‍යාපෘතිය වෙත යොමු කිරීමෙන් ඉදිරි කටයුතු පිළිබඳව දැනුම් දෙන බවත් වෛද්‍ය ජයසුන්දර බණ්ඩාර මහතා පවසයි.

මේ පිළිබඳව වැඩි විස්තර ඉමේෂා අබේසේකර මහත්මිය, ව්‍යාපෘති නිලධාරී , ප්‍රාථමික සෞඛ්‍ය සේවා සවිබල ගැන්වීමේ ව්‍යාපෘතිය 0112680549 / 0718123858 යන දුරකථන අංක ඔස්සේ ලබා ගත හැකිය.

Ads
Click to comment

Leave a Reply

Your email address will not be published. Required fields are marked *

To Top