Advertise with Giraya
NEWS

සෙනසුරාදා දිනවල තැපැල් කාර්යාල වසා දැමීමෙන් මිලියන 17ක ඉතිරියක්

සෙනසුරාදා දිනවල තැපැල් කාර්යාල වසා තැබීමෙන් දෙපාර්තමේන්තුවේ වියදම විශාල වශයෙන් අඩුවන බැවින් ඒවා වසා තැබීමට තීරණය කර ඇති බව එම දෙපාර්තමේන්තු ආරංචි මාර්ග පවසයි.

සාමාන්‍යයෙන් එක් සෙනසුරාදා දිනක තැපැල් කාර්යාල හා උප තැපැල් කාර්යාල විවෘත කර තැබීමේ දී රුපියල් මිලියන 20 කට ආසන්න මුදලක් වැයවන අතර එවැනි දිනයක ආදායම ලැබෙන්නේ රුපියල් මිලියන 3කට ආසන්න මුදලක් බව ද එම ආරංචි මාර්ග සදහන් කරයි. මෙම රුපියල් මිලියන 20 න් රුපියල් මිලියන 18 ක් සෙනසුරාදා දිනය සදහා ගෙවන අමතර දිනක වැටුප සදහා ද ඉතිරි මිලියන දෙක දිනයට අදාල අතිකාල සදහා ද වැය වෙයි.

කෙසේ වෙතත් මෙම තීරණය පිළිබදව තැපැල් වෘත්තිය සමිති දැඩි විරෝධය පළ කර ඇත.

මේ සම්බන්ධව තැපැල්පතිවරයා වෙත ලිපියක් යවමින් ඒකාබද්ධ තැපැල් වෘත්තිය සමිති පෙරමුණ දන්වා ඇත්තේ කොරෝනා රෝගය පැතිර ගිය සමයේ තැපැල් සේවකයින් කළ කැප කිරීම් නොසලකා හරිමින් තැපැල් සේවකයින් ඉමහත් කැප කිරීමකින් උපයාගන්නා අතිකාල දීමනාව හා සෙනසුරාදා දීමනාව කප්පාදු කිරීමට මෙම තීරණය ගෙන ඇති බවය.

මේ පිළිබඳව වෘත්තිය සමිතිවල දැඩි විරෝධය පළ කරන බවත් වහා එම තීරණය ඉවත් කරගන්නා ලෙස ඉල්ලා සිටින බවත් එම ලිපියෙන් දන්වා ඇත.
මේ අනුව සියලූ තැපැල් සේවකයින් අනිද්දා (6) මධ්‍යම රාත‍්‍රියේ සිට තම සාමාන්‍ය සේවාවාරය පමණක් ඉටු කරන බවත් අතිකාල කිරීමට බල නොකරන මෙන් ඉල්ලා සිටින බවත් ඔවුන් එම ලිපියේ සඳහන් කර ඇත.

එමෙන්ම කිසිදු පුරප්පාඩුව හෝ වෙනත් අතිරේක සේවාවාරයක සේවය කිරීමට බල නොකරන මෙන් ද එමගින් ඉල්ලා ඇත.

මේ පිළිබදව තැපැල්පති රෝහණ ආරියරත්න මහතා සදහන් කළේ හෙට (06) වෘත්තිය සමිති සමග කරන සාකච්ඡාවක දී තීරණයකට එළැඹීමට බලාපොරොත්තු වන බවය. කෙසේ වෙතත් පවතින තත්ත්වය හෙට දින තැපැල් හා උපතැපැල් කාර්යාල වසා තැබීමට ගත් තීරණය ක‍්‍රියාත්මක වන බවත් හෙතෙම කියාසිටියේය.

Ads
Click to comment

Leave a Reply

Your email address will not be published. Required fields are marked *

To Top