ශ්‍රී ලංකාවේ කොරෝනා වෛරසය හේතුවෙන් සිදු වූ 11 වන මරණයක් අද(01) දින පෙරවරුවේ වාර්තා විය.
කුවේට්හි සිට පැමිණි කොරෝනා ආසාදිත 45 හැවිරිදි පිරිමි පුද්ගලයෙකු වූ ඔහු කුරුණෑගල ප්‍රදේශයේ පදිංචිකරුවෙක් වන අතර හෝමාගම රෝහලේ දැඩි සත්කාර ඒකකයේ ප්‍රතිකාර ගනිමින් සිට ඇත.
අද පෙරවරු 8.20ට නිවේදනයක් නිකුත් කරමින් සෞඛ්‍ය සේවා අධ්‍යක්ෂ ජනරාල් අනිල් ජාසිංහ මේ පිළිබඳව තහවුරු කරන ලදී.
මෙම පුද්ගලයා පසුගිය මැයි මස 20 වන දින මෙරටට පැමිණ ඇති අතර 23 වන දා සිදු කරන ලද පී.සී. ආර්. පරීක්ෂණයේ දී ඔහුට වෛරසය ආසාදිත බවට තහවුරු වී ඇත. පසුව 26 වන දින ඔහු හෝමාගම රෝහලට ඇතුළත් කර තිබේ.
කුවේට්හි සිට පැමිණි 466 දෙනාගෙන් 333ක්ම කොරෝනා වෛරසය ආසාදිතව ඇත. එමෙන්ම, කටාර්හි සිට පැමිණි 270 දෙනාගෙන් 150ක්ම කොරෝනා වෛරසය ආසාදිතයින් වේ.
