Advertise with Giraya
Giraya NewsGiraya News
NEWS

අති දුර්ලභ කඳුකර කළු කොටියෙකු මන්දකට හසුවෙයි

කඳුකරයට ආවේණික දුර්ලභ කළු කොටියෙකු මන්දකට හසුවී සිටිය දී සොයා ගත් බව නල්ලතන්නිය පොලීසිය පවසයි.

නල්ලතන්නිය පොලිස් වසමට අයත්, ලක්ෂපාන තේ වතුයායේ වාලමලේ කොටසේ එළවළු කොරටුවක් අසලදී අද (26) පෙරවරුවේ කළු වර්ණ සහිත දුර්ලභ කොටියෙක් මද්දකට හසුවී ඇති බව නල්ලතන්නිය වනජීවි කාර්යාලය පවසයි.

අවුරුදු 08ක් පමණ වයසැති දිගින් අඩි 06ක් සහ උසින් අඩි 04ක් පමණ වන මෙම කොටියා හොඳින් වැඩුණු කොටියෙකු බව වනජීවි නිලධාරීන් පවසයි.

Giraya News Alerts

ශ්‍රී පාද අභය භුමිය වනාන්තරයේ ජිවත් වන බවට තොරතුරු තිබුනද මීට ප්‍රථම මෙම සත්වයා දුටු බවට වාර්තා නොවීය.

වන සතුන්ට අටවන ලද කම්බි මද්දකට මෙම කොටියා හසුවී ඇති බවත්, කොටියා තුවාල සහිතව සිටින නිසා වන ජීවී දෙපාර්තමේන්තුවේ පශු වෛද්‍යවරුන් පැමිණ නිර්වින්දනය කර මුදා ගැනීමට කටයුතු කරන තෙක් පොලිස් ආරක්ෂාව ලබා දීමට පියවර ගෙන ඇති බවත් නල්ලතන්නිය වන ජීවි කාර්යාලයේ නිලධාරීන් පැවසූහ.

Ads
Click to comment

Leave a Reply

Your email address will not be published. Required fields are marked *

To Top