කොරෝනා වෛරසය පැතිර යෑම පාලනය කිරීමේ කටයුතුවල හා කොළඹ ඇතැම් ප්‍රදේශවල පැවැති ජනතාව පිනවීමේ ප්‍රසංගවල ආරක්ෂාවට ගිය පොලිස් නිලධාරීන් පිරිසකට මෙම වෛරසයේ රෝග ලක්ෂණ පහළවීම නිසා ඔවුන් ස්වයං නිරෝධායනයට යොමු කළ බව පොලිස් මූලස්ථාන ආරංචි මාර්ග සඳහන් කළේය.
මෙම පිරිස කොපමණද යන්න පිළිබඳව ස්ථීරව ප්‍රකාශ කළ නොහැකි නමුත් පොලිසියේ නිලධාරීන් දහයත් පහළොවත් අතර පිරිසක් මේ වන විට එලෙස ස්වයං නිරෝධායනයට යොමු කර ඇතැයි පොලිස් මූලස්ථාන උසස් නිලධාරියෙක් සනාථ කළේය.
