ශ්‍රී ලංකාවේ නිෂ්පාදනය කළ සුපිරි මෝටර් රථයක් වන ‘වේගා’ නිෂ්පාදනය කළ සමාගම විසින් විෂබීජහරණ කුටියක් නිර්මාණය කිරීමට සමත් වී ඇත.
ලංකාව තුළ පමණක් නොව ලෝකය තුළ ද පැතිර යන නව කොරෝනා වසංගතය තත්ත්වයත් සමඟ රාජකාරියටත් එහා යමින් දිවා රෑ නොබලා කොරෝනා වෛරසයෙන් රෝගීන්ගේ දිවි ගලවා ගැනීමට වෙහෙස වි ක්‍රියා කරන්නේ සෞඛ්‍ය සේවයේ යෙදෙන මහත්ම මහත්මීන් වේ.
ඒ නිසාම මෙම වෛරසයට වැඩිපුර ගොදුරු වීමේ අවදානමක් ඇත්තේ ද ඔවුන්ටය. එබැවින්, මෙම කුටිය විශේෂයෙන් නිර්මාණය කර තිබෙන්නේ ඔවුන් පිළිබඳව සැලකිලිමත් වෙමින් ය.
