මේ වන විට 71 වන වියේ පසුවන මහා බ්‍රිතාන්‍යයේ ඔටුන්න හිමි චාල්ස් කුමාරයාට කොරෝනා වෛරසය වැළඳී ඇති බවට තහවුරු වී ඇති බව ජාත්‍යන්තර මාධ්‍ය සඳහන් කරනවා.
ඔහුට මේ වන විට ඇතැම් රෝග ලක්ෂන මතු වී තිබෙන නමුත් ඔහුගේ සෞඛ්‍ය තත්ත්වය යහපත් බව විදෙස් මාධ්‍ය වාර්තා කරයි.
කෙසේ වුවත්, චාර්ල්ස් කුමරුගේ 72 හැවිරිදි බිරිඳ වන කැමිලාට කොරෝනා වෛරසය වැළඳී නැති බවට පරීක්ෂණ වලදී තහවුරු වී තිබෙනවා. නමුත්, ඔවුන් දෙදෙනාම ඔවුන්ගේ ස්කොට්ලන්තයේ පිහිටි නිවසේ සිට නිරෝධායන ක්‍රියාවලියට යොමු වී ඇති බවත් කුමරු නිවසේ සිට තම රාජකාරි කටයුතු සිදු කරන බවත් විදෙස් මාධ්‍ය වාර්තා කරයි.
චාල්ස් කුමරුන් මේ මාසයේ මුල දී මොනාකෝ රාජ්‍යයේ ඇල්බට් කුමරුන් මුණ ගැසී ඇති අතර ඔහුට ද පසුගිය දා කොරෝනා වෛරසය වැළඳී ඇති බවට තහවුරු වී තිබුණා. කුමරුන් පසුගිය 14 වැනි දා බ්‍රිතාන්‍යයේ මහ රැජිණ හමු වීම ගොස් ඇති නමුදු ඇය යහපත් සෞඛ්‍ය තත්ත්වයේ පසුවන බව විදෙස් මාධ්‍ය වාර්තා කරයි.
