ලොව ජනප්‍රිය හොලිවුඩ් නළුවෙකු වන ටොම් හෑන්ක්ස් සහ ඔහුගේ බිරිඳ වන රීටා විල්සන් යුවලට නව කොරෝනා වෛරසය ආසාදනය වී ඇති බව විදෙස් මාධ්‍ය වාර්තා කරයි.
වර්නර් බ්‍රදර්ස් සමාගමේ ‘එල්විස් ප්‍රිස්ලි’ චිත්‍රපටයේ රංගන කටයුතු වල නියැලෙමින් සිටියදී ඔහුට මෙම වෛරසය ආසාදනය වී ඇති බව එම සමාගම සඳහන් කරයි. එම චිත්‍රපටයේ නිෂ්පාදන කණ්ඩායමේ පුද්ගලයෙකුට කෝවිඩ් 19 වෛරසය ආසාදනය වී ඇති අතර ඔහු මේ වන විට ප්‍රතිකාර ලබමින් සිටියි.
ටොම් හෑන්ක්ස් විසින් මාධ්‍ය වෙත සඳහන් කර තිබෙන්නේ ඔවුන් දෙදෙනා මේ වන විට ඔස්ට්‍රේලියාවේ සිටින බවත් පරීක්ෂාවේදී ඔවුන්ට කොරෝනා වෛරසය ආසාදනය වී ඇති බවට තහවුරු වූ බවත් ය.
