2020 අප්‍රේල් මස 25 දින පැවැත්වීමට නියමිත මහ මැතිවරණයට එක්සත් ජාතික පක්ෂය මැතිවරණ දිස්ත්‍රික්ක 22 සඳහාම “අලියා” ලකුණින් තරග කරන බව එම පක්ෂයේ මහ ලේකම් නීතිඥ අකිල විරාජ් කාරියවසම් පවසයි.
ඒ බව මාර්තු 7 දින මැතිවරණ කොමිසම වෙත නිල වශයෙන් දැනුම් දුන් බව ද එජාප මහලේකම්වරයා වැඩිදුරටත් සඳහන් කළේය.
මාර්තු 7 වන අද දින සිරිකොත පක්ෂ මූලස්ථානයේ විශේෂ සාකච්ඡාවක් පැවැත්වෙන බවත් ඉන් අනතුරුව විශේෂ ප්‍රකාශයක් කිරීමට බලාපොරොත්තු වන බවද එක්සත් ජාතික පක්ෂ මහලේකම් අකිල විරාජ් කාරියවසම් කියා සිටියේය.
