Advertise with Giraya
FOREIGN

කොරෝනා නිසා දකුණු කොරියාවත් අනතුරේ.. එරට ශ්‍රී ලංකා තානාපති කාර්යාලයෙන් පැය 24 පුරාම ක්‍රියාත්මක වන දුරකථන සේවාවක්

දකුණු කොරියාවේ පැතිර යමින් තිබෙන කොවිඩ් 19 හෙවත් කොරෝනා වෛරසය හේතුවෙන් එහි වෙසෙන ලාංකිකයින් සම්බන්ධයෙන් සියෝල් හි පිහිටි ශ්‍රී ලංකාවේ තානාපති කාර්යාලය සමග එක්ව දැඩි අවධානයෙන් පසුවන බව ශ්‍රී ලංකා විදේශ කටයුතු අමාත්‍යාංශය නිවේදනයක් නිකුත් කරමින් සඳහන් කර සිටිනවා.

සියෝල් හි පිහිටා ඇති ශ්‍රී ලංකා තානාපති කාර්යාලයේ තොරතුරු උපුටා දක්වමින් විදේශ කටයුතු අමාත්‍යාංශය සඳහන් කර සිටින්නේ දකුණු කොරියාවේ සිටින කිසිදු ලාංකිකයෙකුට නව කොරෝනා වෛරසය ආසාදනය වී නොමැති බවයි.

මේ වන විට 20,000 කට අධික ලාංකිකයින් පිරිසක් දකුණු කොරියාවේ සිටින අතර කොරෝනා වෛරසය පැතිරීයාම නිසා වර්තමානයේ ගැටළු සහගත තත්ත්වයක් මතුවී තිබෙන ඩේගු නගරයේ ලාංකිකයින් 915 දෙනෙක් පමණ සිටින බවට ඇස්තමේන්තු කර ඇත. ඔවුන් සම්බන්ධයෙන් දකුණු කොරියාවේ පිහිටි තානාපති කාර්යාලය දැඩි අවධානයෙන් පසුවන බවයි විදේශ කටයුතු අමාත්‍යාංශය සඳහන් කර සිටින්නේ.

මතුවී ඇති තත්ත්වය සැලකිල්ලට ගනිමින් දකුණු කොරියාවේ පිහිටි ශ්‍රී ලංකා තානාපති කාර්යාලයේ පැය 24 පුරාම ක්‍රියාත්මක දුරකථන සේවාවක් ක්‍රියාත්මක කිරීමට ශ්‍රී ලංකා විදේශ කටයුතු අමාත්‍යාංශය පියවර ගෙන ඇත. ඊට අමතරව එහි සිටින ලාංකිකයින් සමග සම්බන්ධතාවයන් පවත්වා ගෙන යාමට සමාජ මාධ්‍ය කණ්ඩායම් දෙකක් ද පිහිටුවා ඇති අතර කොරියාවේ පිහිටි ලංකාවේ ආගමික ස්ථාන, සේවක ප්‍රජාව සහ ඉගෙනුම ලබන සිසුන් සමග සමීප සම්බන්ධකමක් පවත්වාගෙන යන බවයි විදේශ කටයුතු අමාත්‍යාංශය සඳහන් කරන්නේ.

පැය 24 පුරාම ක්‍රියාත්මක දුරකථන සේවාවන් හි අංක පහතින් දැක්වේ :

(0082)-2-735-2966, (0082)-2-735-2967, (0082)-2-794-2968

මේ වන විට, කොවිඩ් 19 හෙවත් නව කොරෝනා වෛරසය හේතුවෙන් සිදුව ඇති පුද්ගල මරණ සංඛ්‍යාව 2,359 දක්වා ඉහළ ගොස් ඇති අතර ලොව පුරා නව කොරෝනා වෛරසය ආසාදනය වූ පුද්ගලයින් ගණන අද වන විට 77,000 ඉක්මවා ඇත. මරණ සංඛ්‍යාව 2359ක් දක්වා ඉහළ ගොස් ඇති අතර චීනයෙන් පිටතින් වාර්තා වන මරණ ගණන 11ක්. ගතවූ පැය 24 තුළ චීනයෙන් වාර්තා වූ නව මරණ ගණන 109ක්. සුවය ලැබූ ගණන 20,000 ඉක්මවා ඇතැයි විදෙස් මාධ්‍ය වාර්තා කරයි.

Ads
Click to comment

Leave a Reply

Your email address will not be published. Required fields are marked *

To Top